Ферид Мухиќ и Курто Дудуш ќе сведочат за „крвавиот четврток“

19/09/2018 08:36

Сведочењата на двајца пратеници и уште двајца други сведоци, од кои едната е новинарка, денеска треба да се слушнат во судницата во Кривичниот суд на рочиштето за настаните од 27 април лани во Собранието.

Двајцата пратеници кои пред судечкиот совет, обвинетите и обвинителите ќе кажат што виделе на „крвавиот четврток“ се Ферид Мухиќ и Курто Дудуш, кој сега е градоначалник на Општина Шуто Оризари.

Сите четворица сведоци се на предлог на обвинителството кое има предложено вкупно 36 од кои еден е загрозен. На минатите рочишта во судница веќе можеа да се слушат исказите на премиерот Зоран Заев, неколку министри кои тогаш беа пратеници, како Оливер Спасовски и Дамјан Манчевски, Петар Атанасовски, градоначалникот на Скопје, Петре Шилегов, како и пратениците Мухамед Зекири, Фросина Ременски, Весел Мемеди, Петар Богоевски,Хари Локвенец, Катерина Кузмановска, Енес Ибрахими…

 За настаните од 27 април лани обвинети се вкупно 33 лица од кои 31 за терористичко загрозување на уставниот поредок, а две за помагање. На обвинителната клупа се Љубен Арнаудов, Сашо Василевски, Крсто Мукоски, Љупчо Димовски, Јохан Тарчуловски, Митко Чавков, Митко Пешовски, Душко Лазаров, Горан Јошевски-Леви, Оливер Поповски, Оливер Радулов, Сашко Марковски, Мунир Пепиќ, Абдуљфета Алими, Елена Доцевска-Божиновска, Иван Цветановски, Борис Дамовски, Богдан Илиевски-Бетмен, Владо Јовановски, Игор Дурловски, Стефан Младеновски, Михаил Младеновски, Захарие Симовски, Младен Додевски, Јане Ченто, Горанче Ангеловски, Игор Југ, Илија Славески, Влатко Трајков, Вилијам Михајловски, Никола Митревски-Кољо, Александар Василевски-Нинџа и Митре Питроповски.

Поврзани содржини

24 април и 8 мај ќе бидат неработни за сите граѓани, одлучи Владата
Партијата на Македонците во Србија вели дека Бујар Османи ја злоупотребува функцијата
Жичницата утре нема да работи
Герасимовски прави нов плоштад пред просториите на општината
Уште еден пациент пренесен со медикоптер, овојпат од Унгарија до Македонија
Арсовска инсинуира дека министерката за култура знаела за пожарот во Универзална пред 9 часот, а не пријавила
Дури 200 деца една година ќе имаат терапија за ГЕРБ со донација на „Алкалоид“
До крајот на денов локални врнежи од дожд, проследени со ретки грмежи

Најчитани