Турција побара дозвола за претрес на Конзулатот на Саудиска Арабија во потрага по исчезнатиот новинар

Турција побара дозвола од Конзулатот на Саудиска Арабија да дозволи претрес на неговите простории, во рамки на потрагата по исчезнатиот саудиски новинар.

Турските власти изјавија дека веруваат оти исчезнатиот новинар Џамал Кашоги бил убиен во саудискиот Конзулат во Истанбул.

Претседателот на Турција, Реџеп Тајип Ердоган изјави дека лично го следи случајот со исчезнатиот новинар.

Анонимен турски официјален претставник соопшти дека претставникот на Саудиска Арабија во Анкара по вторпат во една недела бил повикан на разговори во Министерството за надворешни работи. Од него било побарано турските власти да бидат целосно и постојано информирани за случајот.