Тодор Петров во знак на протест запали свеќа пред постаментот на Ќосето

Тодор Петров, претседателот на Светскиот македонски конгрес, денеска запали свеќа на местото каде што до вчера се наоѓаше споменикот на Андон Ќосето. Тој на својот фејсбук-профил објави фотографии од овој чин со коментар:

„Запалив свеќи пред осквернавениот споменик на Андон Лазов Јанев Ќосето до Судската палата, за да ѝ светне на Владата, впрегната во мракобесието на антимакедонизмот, каде ја води државата и нацијата“.

Споменикот, кој предизвика низа контроверзии во јавноста, беше отстранет доцна синоќа, а го постави претходната власт ноќта меѓу 6 и 7 септември во 2014 година.