Театарска претстава со лица со попреченост


Театарска пратстава насловена „Бакнати од сонцето“ во која актери се лица со попреченост корисници на дневните центри на РЦПЛИП – ПОРАКА во Скопје, денеска ќе биде изведена во Мултимедијалниот центар Мала Станица

Изведбата на претставата е по повод 3 декември, Меѓународниот ден на лицата со попреченост а е во организација на Републичкиот центар за поддршка на лица со интелектуална попреченост – ПОРАКА, во соработка со членовите од Театар ПИ, актерите Златко Митрески и Македонка Илиевска.

Според организаторите, низ серија на специфични актерски техники и процес на импровизација, во работата се истражуваат можностите за создавање на театар со слики и приказни од секојдневниот живот на лицата со интелектуална попреченост. Низ ситуации и театарски игри, со лицата со интелектуална попреченост се создаде материјал, кој е дел на драматургијата во театарскиот перформанс „Бакнати од сонцето“.Акцентот во мултимедијалниот театарски перформанс е ставен на нивната способност да бидат изведувачи и ангажирано низ говорот на телото на сцена да споделат со публиката еден интимен театарски чин.