Столтенберг: НАТО ќе го процени нивото на ангажман во Косово

12/02/2019 15:54

Министрите за одбрана на земјите членки на НАТО за време на претстојниот дводневен состанок во Брисел ќе го разгледаат нивото на нивната поддршка на Косовските безбедносни сили по трансформацијата во Војска на Косово, јави Танјуг.

– Се уште не сме донеле одлука, но рековме дека ќе го процениме нивото на ангажманот на НАТО, бидејќи неколку сојузници сметаат дека одлуката за трансформација на КБС во Војска се случила во погрешно време, а некои од нив се разочарани поради воведените такси за стоката од Србија и Босна и Херцеговина, изјави генералниот секретар на НАТО, Јенс Столтенберг.

За време на дводневниот министерски состанок на НАТО што почнува утре, пред разговорите за мисијата на Косово, ќе се разгледаат и други мисии на НАТО ширум светот со фокус на Авганистан и Ирак, како и операциите на море.

Членките на Северноатлантската алијанса на првиот ден од состанокот ќе разговараат и за односите со Русија во контекст на Договорот за нуклеарните ракети од среден дострел (ИНФ), а состанокот ќе заврши со дискусија за соработката на НАТО со ЕУ и за зајакнување на улогата на ЕУ во Алијансата.

Поврзани содржини

Нов силен земјотрес со јачина од 5,6 степени во Турција
Бислими: Српската страна не нуди идеи за решавање на проблемот на употребата на динарот на Косово
Брнабиќ: Белградските и локалните избори ќе се одржат на 2 јуни
ЕУФОР ќе патролира ширум БиХ
ХДЗ победи во Хрватска, но е далеку од мнозинството
Излезни анкети од изборите во Хрватска – ХДЗ во предност пред СДП
Анкета на ИРИ за Западен Балкан: Силна поддршка за членство во ЕУ, рускиот напад на Украина неоправдан
На Копаоник три сантиметри снег

Најчитани