Стан во Прага изнесува 3.700 евра за метар квадратен


Во источниот дел на ЕУ прекинато е намалувањето на цените на недвижности. Стан во центарот на Прага чини 3.700 евра за метар квадратен, а во Љубљана таа цена изнесува 3.200 евра.

Но во главниот град на Словенија можат да се купат станови и за 2.200 евра за метар квадратен.

Просечната цена на станбен квадрат во Загреб е помала од 2.000 евра, а во Братислава изнесува 2.200 евра.

Само Италија во ЕУ не успеа да го прекине шестгодишниот пад на вредноста на недвижностите.

Во Чешка недвижностите поскапеа за 11,7 отсто, во Унгарија за 8,5 проценти, во Словенија осум отсто и во Словачка 5,9 проценти.

Цените на недвижностите во Чешка и Унгарија ги надмина нивоата од 2008 година, кога започна економската криза.