Средба на лидерите на Србија, Бугарија, Грција и Романија во Белград


Во Белград денеска се одржа третиот состанок оваа година на лидерите на Србија, Грција, Бугарија и Романија, на кој во фокусот беа инфраструктирното и енергетското поврзување, приоритетите на романското председавање со ЕУ наредната година и подршка за евроинтеграциите на земјите од регионот.

На средбата одлучено е да се формира „иницијативен организационен комитет“ за кандидирањето на овие четири земји за домаќини на Европското првенство во фудбал во 2028 и за Светското првенство во 2030 година.

Домаќинот на средбата, српскиот претседател Александар Вучиќ на заедничката прес-конференцијата со премиерите на Бугарија, Бојко Борисов, на Грција, Алексис Ципрас и на Романија, Виорика Данчила по квадритералата, најави дека наскоро ќе биде завршен западниот и источниот крак на Коридорот 10 од Србија кон Македонија и Грција.

– Разговаравме и за унапредување на железничката инфраструктура. Очекувам да донесеме одлука, за она за што вчера разговарав со Алексис Ципрас, поврзано со железничката инфраструктура до Врање и границата… и верувам дека ќе пронајдеме доволно интерес и пари, заедно со Скопје, да влеземе во таа инвестиција, бидејќи тогаш патот до Солун и до Атина и Пиреја би имал голем значење, изјави Вучиќ.

Грчкиот премиер Ципрас истакна дека е договорено на најдобар начин да се искористат европските фондови и влоожувањата на САД и Кина во регионот за инфраструктурното поврзување.

– Би сакал да го потенцирам конкретниот проект, железничкото поврзување од Солун, преку Скопје и Белград, до Будимпешта, проект кој, како што вчера разговаравме со српскиот претседател, ќе се забрза по ратификација на Преспанскиот договор, изјави Ципрас, кој додаде дека е разговарано и за поврзувањето на Александруполис со Бургас за транспорт на природен гас.

И Ципрас и Борисов дадоа подршка за евроинтеграците на земјите во регионот, притоа бугарскиот премиер потенцираше дека цвстото повзување на четирите држави не е вперено против никого, туку е насочено кон взаемна соработка.

Тој во врска со енергеското поврзување изјави дека „Бугарија вчера објавила јавен тендер за изградба на гасовод за интерконектор и за гасен јазол за ЛНГ терминалот.“

Романската премиерка Данчила потсети дека Романија во јануари го презема шестмесечното претседавање со ЕУ и дека ќе претстави преглед на заеднички теми што можат да се стават на дневен ред.

– Романија сака да стави посебен фокус на Западен Балкан. Сета поддршка за Србија. Ние го поддржуваме процесот на проширување на ЕУ, тоа ќе биде приоритет на агендата и клучна област за време на нашето претседавање, рече таа.

Во врска со заедничката кандидатура на четирите земји за организација на фудбалското Еуро 2028 и Мундијалот 2030, беше најавено дека потребните документи ќе бидат поднесат во декември 2021 година.