Сојузниците на Меркел доживеаја тежок удар на изборите во Баварија

Христијанската социјална унија (ЦСУ), баварската сестринска партија на Христијанско-демократската партија на германската канцеларка Ангела Меркел, на локалните избори во Баварија постигна најлош резултат од 1950 година. Гласовите на ЦСУ отидоа кај ултрадесничарите, што е чекор наназад, кој носи ризик од ширење на поделби во рамките на актуелната германска влада подложна на кризи.

Според анкетите на излезност објавени од германската државна телевизија АРД, ЦСУ освоила 35,5 отсто од гласовите и со тоа го загуби апсолутното мнозинство во провинцискиот парламент, вторпат од 1962 година, што е исход кој сигурно ќе ги поттикне внатрепартиските битки во партијата која веќе претставува тежок партнер за Меркел во Берлин.

На второ место е екстремната десница – Алтернатива за Германија (АфД), која за прв пат влегува во баварскиот парламент.

ЦСУ, која досега владееше сама, ќе мора да формира коалициска влада.