Словенечкиот премиер Церар во посета на Македонија

Словенечкиот премиер Миро Церар денеска и утре ќе престојува во официјална посета на Македонија. За попладнево е закажана средба меѓу премиерите Заев и Церар, како и билатерален состанок на македонската и словенечката владина делегација.

Словенечкиот премиер за време на дводневната посета на Македонија ќе има средба и со претседателот на државата Ѓорге Иванов и со претседателот на Собранието, Талат Џафери.