Седуммина уапсени при разбивање на терористичка ќелија во Санкт Петербург


Седум припадници на терористичка ќелија на Исламската држава се приведени во Санкт Петербург за подготовка на терористички акти, соопшти центарот на односи со јавноста на руската Федерална служба за безбедност (ФСБ).

Ќелијата била раководена од шефови на меѓународната терористичка организација во странство преку месинџерот „Телеграм”, се вели во соопштението.

Учесниците планирале на 16 декември да извршат серија терористички акти во една од култните установи во градот, а исто така и со убиства на граѓани и детонирање на бомби на места каде се собираат многу луѓе.

При апсењето од објектот биле одземени специјални експлозиви, компоненти за рачни експлозивни направи, автоматско оружје, муниција, екстремистичка литература. Ликвидирана е лабораторија за производство на експлозивни направи, додаде ФСБ.