Реал продолжува да тоне


Реал Мадрид на Хулен Лоптеги продолжува да тоне во Ла Лига, откако „Кралевите“ изгубија со 1:2 од Леванте среде „Сантијаго Бернабеу“, со што немаат победа веќе четири последователни натпревари.
Мала утеха за тимот е што ја прекина рекордната серија без гол од 481 минута.
Инаку гостите ги шокираа фановите на „Бернабеу“ со два гола до 13-тата минута, кои беа дело на Моралес и Марти од пенал.
„Кралевите“ ги „искршија“ рамките на голот, откако погодија три стативи, а на два пати голови на тимот беа поништени поради офсајд, вклучувајќи и на Маријано Дијаз во 88-та минута.
По овој пораз Реал е на петтото место на табелата со само 14 бодови од девет натпревари, додека Леванте се искачи до седната позиција со 13 бода.
Следната недела Реал гостува на Барселона во „Ел Класико“.