Пучдемон: Јас сум премиер на Каталонија
Сменетиот каталонски лидер Карлес Пучдемон ја повика шпанската Влада да му дозволи да се врати во Шпанија за да присуствува на првата седница на новиот каталонски Парламент и да стане нов лидер на Каталонија.
Сепаратистичките партии освоија тесно мнозинство во Парламентот на неодамнешните регионални избори, но се уште е неизвесно дали Пучдемон и другите приведени лидери ќе можат да присуствуваат на седниците на Парламентот.
– Сакам да се вратам во Каталонија што побргу. Би сакал да се вратам веднаш. Тоа би била добра вест за Шпанија, рече Пучдемон во интервју за една светска агенција.
На прашањето дали ќе се врати на време за првата седница на Парламентот која треба да се одржи најдоцна до 23 јануари, тој рече тоа би било „природно“.
– Ако не ми се дозволи да положам заклетва како премиер, тоа би била голема аномалија за за шпанскиот демократски систем, рече Пучдемон.
– Јас сум претседател на регионалната влада и јас ќе останам претседател ако шпанската држава ги почитува резултатите од гласањето, истакна тој.
Пучдемон кој ја повика шпанската Влада на дијалог за да се решат тензиите меѓу Барселона и Мадрид, рече дека е подготвен да ја сослуша секоја понуда на премиерот Маријано Рахој, дури ако е тоа и помалку од независност.
– Ако шпанската држава има предлог за Каталонија, треба да го слушнеме, рече Пучдемон додавајќи дека сака дијалог на еднакви.