Путин: Не знам дали ќе се случи средба со Трамп
Рускиот претседател Владимир Путин денеска изјави дека не знае дали во блиска иднина ќе се состане со американскиот претседател Доналд Трамп, истакнувајќи оти е важно за Москва и за Вашингтон да ги нормализираат односите.
-Не знам дали ќе дојде до тој состанок или не, рече Путин на годишната прес-конференција.
Тој додаде дека повеќе пати повторил оти Русија е подготвена за таков состанок.
Американскиот советник за национална безбедност Џон Болтон на почетокот на месецот истакна дека состанокот меѓу Трамп и Путин нема да се случи додека Русија ги држи украинските бродови и екипажот, кои ги заплени во близина на Крим.