Пукање на свадба во Скопје
Вознемирени граѓани од населбата Бутел вчера пријавиле во полиција дека во периодот од 19,50 до 20,10 часот на улицата Петар Манџуков се слушнале истрели од оружје.
Полициски службеници извршиле увид во двор на куќа, сопственост на С.Т. (56), каде имало семејна веселба, по што на местото на настанот затекнати биле и лицата Љ.Т.(28), А.Т.(21), Е.Т.(22), Д.И.(23).
Повредени лица нема, а подигнати се 16 чаури кои се предадени за понатамошно вештачење. Од лицата затекнати во куќата подигнати се барутни тестови и облека. Од МВР велат дека се преземаат дополнителни мерки и активности за целосно расчистување на случајот.