Промена во македонската репрезентација, Маркоски место Филип Лазаров
Селекторот на Македонија Раул Гонзалес ја направи и првата измена во составот. На местото на Филип Лазаров на листата на играчите за дуелот со Германија ќе биде Велко Маркоски.
Настапот на Маркоски ќе значи дека ова за него ќе биде петто Европско првенство и ќе има можност да го одигра 20. натпревар на европските шампионати.
Филип Лазаров има ситна повреда, а селекторот Раул најверојатно не сакајќи да ризикува во составот го „вметна“ специјалистот за одбрана Велко Маркоски.
Лазаров на првите два дуела постигна голови во многу важни моменти и имаше 5 голови од 5 обиди.