По вчерашното слушање на бомбите, „Тенк“ денеска продолжува со пишани докази

Во Кривичниот суд денеска продолжи судењето за предметот „Тенк“ за набавката на луксузниот „мерцедес“ вреден 600 илјади евра во кој обвинети се поранешниот премиер Никола Груевски, поранешната министерката за внатрешни работи Гордана Јанкулоска и поранешниот помошник министер во МВР Ѓоко Поповски.

Сите обвинети се присутни на денешното рочиште што го води судијката Добрила Кацарска. СЈО го застапува обвинителката Ленче Ристовска.

Кацарска најави дека по вчерашното целодневно рочиште на кое се слушаа прислушуваните разговори, денеска ќе бидат изведувани пишани докази.

Судот вчера ги отфрли барањата на одбраната „бомбите“ да не се пуштаат во судница и за изземање на претседателот на Кривичниот суд Иван Џолев и судечкиот совет. СЈО тоа го оцени како обид на одбраната на обвинетите за одолговлекување на судењето.

Според обвинението, во периодот од февруари до крајот на октомври 2012 година Груевски како службено лице ги искористил влијанието и службената положба и побарал од министерката за внатрешни работи Јанкулоска, да спроведе јавна набавка во која министерството ќе купи ново блиндирано патничко моторно возило „мерцедес“, модел „С-600 гард“, а во постапката бил фаворизиран економскиот оператор М.А. ДООЕЛ, генерален застапник и дистрибутер на возилата од брендот „Мерцедес“