Поранешниот бразилски претседател вели дека е подготвен да оди во затвор

Поранешниот бразилски претседател Луис Инасио Лула да Силва ќе објави книга во која пишува дека е „подготвен“ да замине в затвор и да ја отслужи казната од 12 години и еден месец поради корупција.

Неговата книга „Вистината ќе триумфира: Народот знае зошто ми судат“ ќе се најде во продажба вечерва во Сао Паоло.

Пресудата за корупција на поранешниот претседател на Бразил е потврдена во јануари, а уште еден суд го одби неговото барање да се брани од слобода во текот на жалбениот процес пред Високиот федерален трибунал во Бразил.

Тоа значи дека Да Силва наскоро би можел да почне со издржување на затворската казна, иако важи за фаворит на претседателските избори кои се закажани за оваа година.