Подгответе се: Од утре до следниот викенд дожд!

Во следните три дена започнувајќи од утре попладне во Македонија, како што најавуваат од УХМР, повторно ќе има врнежи од дожд, кој наместа ќе биде пороен, а ќе има грмежи и засилен ветер.
Утре времето ќе биде сончево и топло со мала до умерена облачност. Попладне ќе има локална појава на пороен дожд, грмежи и засилен ветер. УВ=8 Т-мин. од 10 до 19, а дневната највисока температура на воздухот ќе се движи во интервалот од 30 до 36 степени.
Во Скопје времето ќе биде сончево и топло со мала до умерена облачност и со слаб ветер од западен правец. Температурата ќе се движи од 16 до 34 степени.
Во среда и четврток ќе биде нестабилно на повеќе места, а преодно стабилизирање на времето се очекува во петок и сабота.