Османи: Протестите не треба да влијаат на преговорите

Вицепремиерот за европски прашања Бујар Османи коментирајќи ги протестите што се одржаа вчера во Атина, оцени дека се дел од јавната политичка дебата која се одвива во различни форми и демократски загарантирано право ако се мирни и ненасилни, но оти тоа не треба да влијае на проецот за решавање на прашањето за името.

– Меѓутоа, исто така, не треба да се потцени и големиот број луѓе кои поддржуваат изнаоѓање решенија и се против тој начин на изразување на незадоволство. Никогаш не сме сметале дека ова е лесно прашање и дека ќе се реши без никакви предизвици на патот. Тоа што е важно е дека имаме влади кои се определени да најдат решение. Тие треба да останат мирни и истрајни во изнаоѓање на решението, независно од предизвиците со кои ќе се соочиме на патот. Сега е време на носење праведни одлуки, а не лесни одлуки, рече Османи пред работниот појадок со амбасадорите на земјите од Западен Балкан, а во очекување на објавувањето на Стратегијата на ЕУ за проширување.

Најави дека процесот на решавање на спорот за името ттреба да продолжи според предвидена агенда.