Одбојкарите на Струмица ја одбранија шампионската титула
Екипата на Струмица ја одбрани шампионската титула во одбојка откако во четвртиот меч од финалната серија попладнево во Скопје го совлада Вардар со 3:2.
Вардар ги освои првиот и третиот сет со 25:21 и 25:22, додека вториот и четвртиот им припаднаа на одбојкарите од Струмица со идентични 25:20. Петтиот решавачки сет го добија гостите.
Финалната серија иако почна со победа на Вардар, сепак Струмица ја потврди својата доминација во домашната одбојка и постигна три победи во низа и славеше со 3:1.