Намален бројот на туристи и ноќевања


Во јануари годинава земјава ја посетиле 49.021 турист кои оствариле  102.691 ноќевање.

Според податоците на Државниот завод за статистика, бројот на туристите во однос на минатогодишниот јануари е намален за 0,7 отсто, а бројот на ноќевањата за 4,3 проценти. При тоа, бројот на домашни туристи е зголемен за 2,6  отсто, а бројот на странските туристи е намален за 2,7 отсто.

Бројот на ноќевањата на домашните туристи, пак, е зголемен за еден отсто, додека бројот на ноќевањата на странските туристи е намален за 8,4 проценти.