Макрон по средбата со Заев: Одите во добар правец

Македонскиот премиер Зоран Заев вечерва имаше средба со францускиот претседател Емануел Макрон по која даде изјава за „Независен весник“ и МКД.МК.

„Не сакам да откријам ништо. Бев многу среќен да се сретнам со целиот тим. Зборувавме многу отворено за сегашната ситуација и многу добрата работа на тимот која е во многу добар правец“, рече кратко Макрон.

alt=”” width=”960″ height=”638″ />

Франција е тврдиот орев во ЕУ во однос на проширувањето и под нејзин притисок  зборот „проширување“  го нема во документот иако целата идеја на самитот е да ја потврди посветеноста на ЕУ на регионот и решеноста тој да стане дел од Унијата.

Стравот во дипломатските кругови е дека ќе биде лошо ако Македонија го реши спорот за името што е едно од најнерешливите и најтешки прашања во Европа, а место награда да наиде на зид од Франција во Европскиот совет. Средбата требаше да го омекне Макрон и да го соочи со предизвиците со кои се соочува Македонија и тешката криза што ја остави зад себе а која може да се врати ако земјата нема ЕУ перспектива.

За средбата со Макрон Заев се огласи на Фејсбук каде напиша:

„Во искрена и пријателска атмосфера, вечерва остварив средба со францускиот претседател Емануел Макрон, на која разговаравме за актуелните политички теми од интерес на Европската Унија, регионот и Република Македонија, како и за билатералните односи на нашата земја со Република Франција.

Истакнав дека се бориме за иста Европа. Република Македонија е успешна приказна на Балканот и заслужува вреднување соодветно на постигнатите резултати. Ги поддржуваме заложбите за покохезивна, функционална и поодржлива ЕУ. Лидерството на Франција е мотивација и пример и за Македонија и за регионот.

(Од нашиот известувач од Софија, Слободанка Јовановска)