Македонија поразена од БиХ во полуфиналето на ЕП за кошаркари до 16 години


Кадетската репрезентација на Македонија претрпе пораз од домаќинот Босна и Херцеговина во полуфиналето на Европското првенство (дивизија Б) за кошаркари до 16 години што се одржува во Сараево.

Избраниците на Александар Јованчев беа поразени со 95:76, но се уште имаат шанси за пласман во дивизијата А. За тоа ќе мора да остварат победа во натпреварот за третото место, каде ќе се соочат со поразениот од вечерашниот втор полуфинален дуел помеѓу Русија и Чешка.

Македонските кошаркари во првото полувреме се обидоа да се наметнат и да му пружат отпор на посилниот противник, а на паузата се заминаа со израмнети 50:50.

Но, домаќините во третата четвртина дојдоа до двоцифрена предност, која ја одржуваа до крајот на натпреварот и извојуваа сигурна победа.

Гоце Петрушевски со 18 поени беше најефикасен во македонската репрезентација.