Ливерпул не запира, четири од четири во Премиер лигата


Нема кој да им застане на патот на фудбалерите на Ливерпул кои попладнево ја постигнаа максималната четврта од почетокот на првенството во Премиер лигата.

„Црвените“ триумфираа на гостувањето кај Лестер со 2:1, а целата работа ја завршија во првото полувреме со головите на Мане и Фирмињо.

Шанса да се изедначат со Ливерпул на врвот на табелата со по 12 бода имаат уште три екипи кои своите средби од 4.коло ги играат викендов. Тоа се Челзи, Тотенхем и Вотфорд.

Лестер има половичен ефект од две победи и два пораза.