Кралското семејство во Виндзор: Се мажи принцезата Евгенија, деветта во редот на тронот


Англија– Во замокот Виндзор, во тек е свадбата на принцезата Евгенија од Јорк (28) со амбасадорот на бренд за текила Џек Бруксбенк (32).

Се очекува нејзината венчавка, втора годинава во британскиот двор да биде подеднакво раскошна како таа на принцот Хари и војвотката Меган, а парот судбоносното „да“ ќе го каже во истата капела како нив.

Принцезата и поранешниот менаџер се запознале во ноќен клуб во Швајцарија, кога таа имала 20, а тој 24 години, а заедно се веќе седум години.

Џек ја запросил Јуџин во јануари оваа година, во Никарагва. За време на гостувањето во емисијата „The One Show“, на „BBC“, принцезата го опишала магичниот момент: „Стоевме покрај езерото и го гледавме заоѓањето на сонцето, кога ме праша дали сакам да се венчам со него. Бев пресреќна!“ Нејзиниот венчален прстен го краси редок розов сафир, со мали дијаманти.

Венчавката ќе се одржи во капелата Св. Јурај, во склоп на дворецот Виндсор, каде што пред пола година се оженил и братот на принцезата, принцот Хари, а во истата капела се венчале и принцот Чарлс и Камила Паркер.

Кума на венчавката ќе ѝ биде нејзината сестра Беатрис, додека кум на Џек ќе му биде неговиот брат Томас.