Касиљас го одигра својот илјадити натпревар на гостувањето кај Белененсеш
Шпанскиот голман Икер Касиљас го одигра својот илјадити професионален натпревар на гостувањето кај Белененсеш, а јубилејот беше засенет од неочекуваниот пораз на неговиот Порто од 2:0.
Касиљас досега има настапено на 724 натпревари за Реал Мадрид, на 109 во Порто и одиграл 167 за репрезентацијата на Шпанија.
Повеќе настапи од него има само некогашниот колега од Реал, Раул Гонзалес Бланко, со 1.033 натпревари во кариерата.
Касиљас со Реал Мадрид освои три титули од Лигата на шампионите и пет трофеи од Ла лига.