Заев до Курц: Извини за знамето

Владата на Република Македонија упати извинување до Република Австрија за ненамерниот протоколарен пропуст при посетата на Сојузниот Канцелар Себастијан Курц во Република Македонија.

„Пропустот е направен од страна на службите за протокол на Владата на Република Македонија и на Министерството за надворешни работи, а до него дошло поради големата сличност во димензиите и колоритот на знамињата на Австрија и Латвија“, стои во соопштението од „Илинденска“.

Денеска, австрискиот канцелар Себастијан Курц беше „почестен“ со знамиња на Летонија, наместо на Австрија.