Димитров ги прими копиите од акредитивите од новата австралиска амбасадорка Стуарт


Министерот за надворешни работи Никола Димитров, денеска ги прими копиите од акредитивните писма на новоименуваниот амбасадор на Австралија во Република Македонија, со седиште во Белград , Рут Карис Стуарт.

Како што соопшти МНР, Димитров ѝ посака успешна дипломатска мисија на амбасадорот Стуарт и изрази очекување дека за време на нејзиниот мандат, пријателските односи меѓу двете земји ќе добијат нова, уште поинтензивна динаника.

– Беше констатирано дека билатералните односи изминатите години се развиваат во нагорна линија и беа разгледани претстојните активности во поглед на засилување на политичкиот дијалог и можностите за унапредување на економската соработка, се наведува во соопштението.

Амбасадорката Стуарт, се посочува, искажа увереност и спремност за натамошно унапредување на блиските релации меѓу Република Македонија и Австралија преку континуирано зајакнување на соработката во сите сфери од заеднички интерес.