Денеска топло со температура до 34 степени

Денеска времето ќе биде сончево со мала до умерена облачност. Ќе дува слаб до умерен североисточен ветер. Во крајните јужни планински делови ќе има услови за појава на краткотраен дожд. УВ-индексот ќе изнесува 8. Минималната температура од 13 до 21, а максималната 27 до 34 степени.
Во Скопје сончево со мала до умерена облачност и со слаб до умерен североисточен ветер. Температурата ќе биде во интервал од 19 до 33 степени.
Уште денеска ќе има услови за краткотраен дожд во јужните делови од земјава. Потоа следува период на стабилно време со постепен пораст на дневната температура, а најтопло се очекува да е во средината на следната работна недела.