Надал го пофали Фриц и ги призна големите болки: „Се обидував до самиот крај“

Рафаел Надал многу јасно стави до знаење дека неговиот пораз во финалето на БНП Париба опен во Индијан Велс беше заслуга на играта на Тејлор Фриц пред сè друго. Сепак, Шпанецот призна дека се борел со повреда во првиот пораз во сезоната 2022 (20-1).

„Искрено, имав болки. Имав проблеми со дишењето. Не знам дали е нешто на реброто, уште не знам. Кога дишам, кога се движам, тоа е цело време како игла. Малку ми се врти затоа што е болно“, изјави Надал. „Тоа е еден вид болка што многу ме ограничува. Не се работи само за болка, не се чувствувам многу добро бидејќи [тоа] влијае на моето дишење.

[Тоа е повеќе од [да се биде] тажен од поразот, [тоа е] нешто што го прифатив веднаш, па дури и пред крајот на натпреварот. Повеќе се работи за тоа што малку страдам, искрено“.

Имаше знаци на проблем за Шпанецот кон крајот на неговата битка во три сета против сонародникот Карлос Алкараз во полуфиналето. За време на тој меч интервенираше и физиотерапевт на АТП.

„Се трудев да дадам сѐ од себе. Се разбира, [тоа] не беше мој ден. Но, тоа се случува. Имам искуство во сите овие ситуации. Така, во моментов, се разбира, тешко е да се игра вакво финале. Се обидов до самиот крај. Тоа е тоа“, изјави Надал. „Иако имав мои шанси во вториот сет, не реализирав премногу шанси. Тоа е тоа. Мислам дека е тежок натпревар за лично анализирање од моја страна бидејќи не можев да направам многу работи“.

Надал подоцна додаде: „Не е моментот да се зборува за тоа, искрено. Дури и да е очигледно дека денес не можев да ги направам нормалните работи… Тоа е тоа. Тоа е финале. Се обидов. Изгубив против голем играч“.

Пред две години во финалето на Акапулко, Надал загуби само пет гема против Фриц. Тој кажа многу комплименти за чекорите што ги прави Американецот.

„Победите како денес помагаат. Тој играше добро. Мислам дека помина низ одлични натпревари во текот на оваа недела, особено вчера. Голема чест за победата од вчера. Според мене, неговата вчерашна победа е многу поголема од денешната, бидејќи вчера имаше многу потежок противник отколку денеска“, рече Надал. „Тој веќе одигра одлични натпревари во Австралија, оваа година ако не грешам, против [Стефанос] Циципас. Очигледно е дека тој се подобрува. Со оваа победа за него тоа е одличен почеток на сезоната. Тој ќе има шанса да биде многу блиску ако не во Топ 10 многу брзо“, рече тој.

И покрај поразот, ова беше одличен почеток на сезоната за Надал, кој имаше серија од 20 победи. Тој веќе освои три титули во 2022 година, вклучувајќи го и неговиот 21. гГрен слем трофеј на Австралија опен.

„Искрено, сакав тоа да биде совршено пред сезоната на земја. Искрено, тажен сум затоа што не можев да бидам конкурентен. Тешко е да ги имаш овие чувства… Но во финалето е многу, многу грдо“, рече Надал. „Но, во спортот не се зборува за минатото. Треба да разговараме за денес. И денес е тежок ден за мене“.

Надал сега ќе го сврти вниманието кон сезоната на земјени терени. 35-годишниот играч има 62 титули на земја и ќе бара да додаде повеќе во текот на следните неколку месеци.

„Јас не сум [таков] човек кој емоционално паѓа или оди многу високо во зависност од моментот. Нормално сум стабилен, ставам сѐ во перспектива“, рече Надал. „Се разбира, изминатите два месеци беа неверојатни, незаборавни, многу емотивни. Уживав во работи за кои никогаш не мислев дека можам да ги живеам повторно пред неколку месеци. Сега е моментот да се обидеме да го решиме овој проблем што е можно поскоро,да се обидеме дас започнеме на земја. Се разбира, секој настан е толку посебен за мене. Се надевам дека ќе бидам подготвен за тоа“. (АТП)