Вработен ги оштетил „Македонски пошти“ Прилеп за над 770.000 денари


Надворешната канцеларија за криминалистички работи Прилеп поднесе кривична пријава против Р.Г. (48) од Прилеп поради постоење основи на сомнение за сторено кривично дело „несовесно работење во службата“.

Во периодот од 05.08.2016 до 21.09.2017 година, пријавениот како вработен во АД „Македонски пошти“ – подружница Прилеп, при извршување на редовни месечни контроли во поштата во село Долнени, прилепско, изготвувал записници со невистинита содржина.

Со тоа, како што соопшти МВР, овозможил Н.П. (28) и В.П. (27), двајцата од село Долнени, да се стекнат со противправна имотна корист од 777.108 денари на штета на АД „Македонски пошти“.