(ВИДЕО) Инциденти пред натпреварот Рома ЦСКА, 30 лица повредени

Руски навивач се здоби со убоди од нож во близина на стадионот „Олимпико“, други двајца се претепани, додека триесетина се повредени во метро станицата во Рим.

Ова е епилогот од инцидентите синоќа во главниот град на Италија каде се играше натпреварот од фудбалската Лига на шампиони меѓу Рома и ЦСКА Москва.

Тамошната полиција има легитимирано неколку осомничени лица за нападот со нож и тепачката што се случија на мостот до стадионот, односно на плоштадот „Манчини“.

Претходно, руската амбасада во Рим соопшти дека околу 30 луѓе, меѓу кои и руски навивачи кои оделе кон „Олимпико“ се повредени при дефект на подвижните скали во метро станицата. Осум лица се со сериозни повреди, а според италијанските медиуми, на еден руски навивач му е ампутирана една нога.