Вардар го однесе Брест во второто полувреме

Ракометарите на Вардар ја забележаа петтата победа во шестиот натпревар од Лигата на шампионите. Црвено-црните беа подобри од белорускиот шампион Мешков Брест со 30-23. Скопјани до убедливата предност и победа дојдоа во второто полувреме, бидејќи на полувреме резултатот беше израмнет (14-14).

Играч на мечот беше хрватскиот репрезентативец, кој постигна 11 гола, додека Иван Чупиќ и Тимур Дибиров стрелаа успешно по шест пати.

Вардар остана на првата позиција во групата, а следниот викенд во Скопје претстои спектакл, имајќи предвид дека во Спортскиот центар „Јане Сандански“ доаѓа Барселона.