Ахмети: Поблиску сме до вековните стремежи

Претседателот на Демократската унија за интеграција Али Ахмети изјави дека 115 – годишнината од Илинденското востание во Крушево не наоѓа поблиску од кога било до реализирање на вековните стремежи за слобода, мир и еднаквост.
– Македонци, Албанци, Власи и други се обединија во борбата за правата кои што им беа ускратени. Со визија за иднината и еднаквоста како почетна мисла, тие ги поставија темелите на нашето денешно општество. И денес како и пред 115 години, заедно ја градиме државата во преродбеничкиот дух кој што ја определи нашата припадност кон западот, се наведува во писмената изјава до медиумите на Ахмети.
Посебните денови како денешниот, се наведува натаму, да ни послужат како мотив да се соединиме во последните чекори на нашиот долг пат и да го реализираме вековниот сон на нашите граѓани.