Алегри за Јунајтед: Среќен сум во Јувентус

Тренерот на Јувентус, Масимилиано Алегри, ги негираше сите информации што го поврзаа со напуштање на „старата дама“. Неговото име беше поврзано со менаџерската позиција во Манчестер Јунајтед, како и за таа во Реал Мадрид. Но, тој нема намера да се сели од Торино.

– Многу сум среќен во Јувентус. Правиме прекрасни нешта на теренот и како целина како клуб. Не само тоа, туку и продолжуваме по истиот начин. И не на последно место, сега е едвај декември, а до јуни има уште бројни натпревари и премногу време, рече Алегри.

Целите пред Алегри и Јуве остануваат дубл на домашна сцена, но сега кон нив се додава и гонење на трофејот во Лигата на шампионите. За таа цел беше привлечен и Кристијано Роналдо.