Шкендија го претстави Омар Имери

Македонскиот шампион Шкендија го промовираше младинскиот репрезентативец Омар Имери како третото засилување за следната сезона.

Имери во клубот од Тетово доаѓа од Шкупи, каде одигра 24 натпревари и даде три гола изминатата сезона.

Тој потпиша тригодишен договор со Шкендија.

Претходно македонскиот шампион се засили и со Костадин Чешмеџиев од Академија Пандев и Ремзифаик Селмани кој пристигна од унгарски Ујпешт.