Шарапова елиминирана уште на стартот во Штутгарт

Поранешната најдобра тенисерка во светот Русинката Марија Шарапова беше елиминирана уште во првото коло на турнирот во Штутгарт, откако Французинката Каролин Гарсија ја совлада со 2:1 во сетови.

Шарапова го доби првиот сет со 3:6, а потоа во тајбрејк го загуби вториот со 7:6.

Иако Русинката во третиот решавачки сет имаше почетно водство, Гарсија успеа да направи пресврт и победи со 6:4.

За Шарапова ова е четврт пораз во низа. Руската тенисерка во моментов се наоѓа на 41 место на ВТА листата, откако лани се врати на тенисот по 15 месеци суспензија поради допинг.