Ципрас за божикните празници во Белград

Грчкиот премиер Алексис Ципрас, на покана на српскиот претседател Александар Вучиќ, Божик ќе го прослави во Белград.

Ципрас денеска ќе допатува со своето семејство во приватна посета на Белград, а на покана на Александар Вучиќ, кој ќе го угости него и неговото семејство за време на Божикните празници.

Грчките медиуми објавија дека ова е првпат Ципрас, откако стана премиер, да го прослави Божик надвор од земјата.

За првпат Ципрас го посети Белград во февруари оваа година, а на почетокот на декември тој присуствуваше на состанокот на српскиот претседател Александар Вучиќ со премиерите на Бугарија, Грција и Романија.