УНХЦР: Првиот бегалски камп на ОН во Либија ќе биде отворен в година

Првиот центар на ОН во Либија за времено прифаќање на бегалци ќе биде отворен кон почетокот на следната година, изјави високиот комесар на ОН за бегалци Филипо Гранди за време на меѓународната конференција „Средоземноморски дијалог“. Тој изрази надеж дека центарот на УНХЦР за времено прифаќање на луѓе, кои бараат меѓународна заштита, да почне со работа кон почетокот на 2018 година, но според него, треба да се има предвид дека ситуацијата е многу нестабилна. – Се трудам тоа да се случи во најкраток рок. Не е лесно да се работи во Либија, но имаме дозвола да ја почнеме работата, истакна Гранди. Високиот комесар на УНХЦР потврди дека тоа ќе биде времен (транзитен) центар и првично ќе може да прифати 100 лица, а потоа се планира бројот на местата да се зголеми на 500 до 1.000 луѓе.