Три нови случаи на каснати од улични кучиња

Три нови случаи на напади од кучиња биле пријавени вчера во полициски станици во Скопје, сооппшти МВР.

Г.Ј.(27) од Скопје вчера во 22 часот во полициската станица Аеродром пријавил дека истиот ден околу 13:00 часот, додека се движел по улица „Божидар Рајковиќ“, бил нападнат од куче скитник при што му била нанесена повреда на левата нога.

Љ.А.(58) од Скопје вчера во 23:50 часот во полициската станица Карпош, пријавила дека истиот ден околу 19:30 часот на улица „Волгоградска“ била нападната од три кучиња скитници, при што од едното била касната на левата нога.

Ј.М.(40) вчера во 10 часот пријавил во полициската станица Аеродром дека претходниот ден додека се движел по булеварот „Србија“, бил нападнат од куче-скитник, кое го каснало во пределот на десната потколеница.

Тој се упатил на лекарски преглед во Градската општа болница „Свети Наум Охридски“ каде му била санирана повредата.