Судот: Анџелина Џоли мора да му ги дава децата секој втор ден на Пит

САД– Судијата се изјаснил дека Анџелина Џоли мора да му дозволи на нејзиниот иден екс сопруг Бред Пит почести посети на нивните шест деца, пред Судот да го потпише перманентниот договор.

Овие чести средби на Пит со децата сега треба да бидат секој втор ден по четири часа за време на деновите кога одат во училиште, и 12 часа во деновите кога не одат в училиште.

Комплицираната разводна парница продолжува и понатаму, а следното судење е закажано за 21 август.

Неодамна Џоли го обвини Пит дека тој воопшто не се грижи за нивните деца и не им плаќа алиментација, додека Бред Пит возврати со изјава дека на Џоли и позајмил 8 милиони долари за да и помогне да купи куќа.