Сослушан сведок за „мерцедесот“

Во Кривичниот суд на денешното рочиште за предметот на СЈО „Тенк“ сведочеше вработен во Агенцијата за разузнавање, кој во 2012 година бил државен советник за управување со човечки ресурси во кабинетот на министерот за внатрешни работи.

Тој побара јавноста да биде исклучена од рочиштето зашто, како што рече, работел во Агенцијата за разузнавање и оти може да открие државна тајна, но судијката Добрила Кацарска го одби предлогот. Обвинителите на СЈО се спротивставија на тоа барање, бидејќи како што рече Гаврил Бубевски од СЈО, не планираат да поставуваат прашања што се однесуваат на безбедноста на државата.

Во случајот „Тенк“ за злоупотреба на службената должност обвинети се поранешниот премиер Никола Груевски, поранешната министерката за внатрешни работи, Гордана Јанкулоска, и поранешниот помошник-министер во МВР, Ѓоко Поповски, за набавката на луксузниот „мерцедес“ вреден 600 илјади евра.

Според обвинението, во периодот од февруари до крајот на октомври 2012 година Никола Груевски како службено лице ги искористил влијанието и службената положба и побарал од министерката Јанкулоска да спроведе јавна набавка во која МВР ќе купи ново блиндирано патничко моторно возило „мерцедес“, модел „С-600 гард“, а во постапката бил фаворизиран економскиот оператор М.А. ДООЕЛ, генерален застапник и дистрибутер на возилата од брендот „Мерцедес“