Собранието утре ќе ја продолжи 45. седница

Собранието на Република Македонија попладнево не продолжи со работа по 45. седница поради технички причини.

Претседателот на Собранието на Република Македонија Талат Џафери на почетокот на попладневниот дел од денешната седницата кажа дека се прекинува поради технички причини и немање електрична енергија во одредени делови од градот.

– Поради дефекти во градот Скопје, надвор од Собранието, тука ја прекинувам работата и ќе продолжиме утре во 11 часот, изјави Џафери.

Пратениците во претпладневниот дел донесе повеќе закони, меѓу кои законот за високо образование, и измените и дополнувањата на законите за судовите, за Судскиот совет, за оружјето, за безбедноста во сообраќајот на патиштата и други.