Скандал на Греми: Хилари Клинтон читаше извадок од книгата против Трамп (ВИДЕО)

Еден од најголемите непријатели на американскиот претседател Доналд Трамп, Хилари Клинтон има главна улога во видео кое е направено со цел да го понижи него.

Во видеото во кое учествуваа познати музички имиња, се појавува и Клинтон која прочита мал дел од познатата книга на Мајкл Волф „Оган и бес: во Трамповата Бела куќа“.

Греми наградите беа искористени како идеална платформа за да се понижи Трамп, а кратко по прикажувањето на видеото стигнаа и реакции од Трамповата амбасадорка во Обединетите нации, Ники Хејли која истакна: „Отсекогаш ги сакав Греми наградите, но земањето уметници да ја читаат ‘Оган и бес’ ги уништи. Не упропастувајте одлична музика со ѓубре. Некои од нас сакаат музика без да ја мешате политиката во неа“.

I have always loved the Grammys but to have artists read the Fire and Fury book killed it. Don’t ruin great music with trash. Some of us love music without the politics thrown in it.

— Nikki Haley (@nikkihaley) January 29, 2018

Кратко по неа, на Твитер исто така се огласи и синот на Трамп, Доналд Помалиот, кој напиша: „Читањето извадоци од книга со лажни вести на Греми се чини како одлична утешна награда за губењето на изборите“.

Getting to read a #fakenews book excerpt at the Grammys seems like a great consolation prize for losing the presidency. #GrammyAwards

— Donald Trump Jr. (@DonaldJTrumpJr) January 29, 2018