Се основа клуб на експерти во Стопанска комора

Клуб на консултанти/експерти, кој ќе обединува експерти од повеќе различни области, вклучувајќи ги помеѓу останатото енергетиката, индустријата и инфраструктурата, ќе почне да функционира во Стопанската комора на Македонија.

Активностите на новиот клуб ќе бидат презентирани денеска на работна средба во Стопанската комора, на која ќе присуствува вицепремиерот за економски прашања Кочо Анѓушев.

Основањето на клубот е во насока на определбата за зголемување на конкурентноста на приватниот сектор врз база на знаење и иновации, односно создавање економија способна за натпревар на меѓународниот пазар преку квалификувана работна сила и иновативни компании, велат од Стопанската комора на Македонија.