Седум кандидати за двајца технички експерти во Комисијата за надзор на следењето комуникации

Седум кандидати се пријавиле на конкурсот на Комисијата за надзор над спроведување на мерките за следење на комуникациите за две места за технички експерти за постојана поддршка.
На денешната седница Комисијата ќе спроведе интервјуа со седумтемина кандидати.
– За потребите за поддршка на Комисијата за надзор над спроведување на мерките за следење на комуникациите отворивме јавен конкурс на кој се пријавија седуммина кандидати, од кои ќе биде направен изборот на двајца технички експерти, рече Димитриев.
На негов предлог, Комисијата едногласно одлучи интервјуата да се спроведуваат на затворен дел на сединцата.
-Бидејќи овие седум кандидати аплицираат за работа на која претежно ќе се оперира со класифицирани документи информации, но и поради тоа што на интервјуата ќе се гледаат и лични податоци, предлагам Комисијата нив да ги спроведе на затворена седница, рече Димитриев.
По спроведувањето на интервјуата кандидатите ќе одат на безбедносна проверка, а нивниот избор, како што рече Димитриев, ќе се направи по завршувањето на изборите.