Рецитал на врвниот виолинист Олег Кондратенко

Во Камерната сала на Македонската филхармонија, во понедленик на 18 декември, рецитал ќе одржи македонскиот врвен виолинист Олег Кондратенко.

Кондратенко овој пат ќе настапи заедно со истакнатата пијанистка Марија Ѓошевска, која освен на пијано, ќе свири и на чембало.

На програмата се дела од Георг Фридрих Хендл (Соната за виолина и чембало во D-dur), Јоханес Брамс (Соната за виолина и пијано бр. 2), Оливие Месијан (Тема и варијации за виолина и пијано) и Рихард Штраус (Соната за виолина и пијано Es-dur).

Настанот ќе започне во 20 часот.