Ревија на Џереми Скот во Милано: Ќерката на Синди Крафорд како Џеки Кенеди

Италија- Дамските шеесети беа инспирација за новата колекција на италијанската модна куќа „Москино“ за сезоната есен-зима 2018/19/. Откачениот дизајнер Џереми Скот повторно ја одушеви публиката на Модната недела во Милано.

Неговите модели се инспирирани од стилот на првата дама и икона на стилот Џеки Кенеди, гламурозните униформи на стјуардесите од тоа време и од футуристичките стрипови за вонземјаните, популарни во тоа време. Една од манекенките беше и Каја Гербер (16), ќерката на легендарната манекенка Синди Крафорд, најангажирана на ревиите ширум светот.