(Во живо) Првични резултати: Путин реизбран со 74 отсто од гласовите

Владимир Путин е реизбран убедливо за нов шестгодишен мандат на изборите за претседател на Русија, објави рускиот Центар за јавно мислење (VTsiOM).

Според Центарот, Путин добил 73,9 отсто од гласовите, според податоци од 1.200 избирачки места во Русија.

На второ место е кандидатот на комунистите Павел Грундин со 11,2 отсто гласови.

#BREAKING Russia's Vladimir Putin wins fourth Kremlin term with 73.9% of vote, according to an exit poll pic.twitter.com/KReCyZ58ju

— AFP news agency (@AFP) March 18, 2018

Центарот наведува во соопштение дека преку 37 отсто од оние кои гласале одбиле да кажат за кого го дале гласот.

По преброени 21,3 отсто од гласачките ливчиња, Путин води со 71,97 отсто, соопшти ЦИК. Според податоци на Централната изборна комисија од 18 часат по локално време избирачката активност била 59,97 отсто. Тоа е два часа пред затворањето на избирачките места во западна Русија.