Приведени три жени осомничени за посредување во проституција и трговија со луѓе

Две државјанки на Србија и една од Македонија синоќа биле лишени од слобода и приведени во Полициската станица Гостивар под сомнение дека го злоупотребиле туристичкиот престој во Македонија и посредувале во проституција и  трговија со луѓе.

Тие биле затекнати во угостителски објект на ул. „ЈНА“ во Гостивар, сопственост на Е.А. од село Лакавица.

Акциската контрола полицијата од Гостивар ја извршила еден час пред полноќ. По целосно документирање на случајот, против лицата ќе бидат поднесени соодветни поднесоци, соопшти МВР.